Call center binulabog ng bomb threat

Nabulabog ang tinata­yang 1,000 empleyado ng isang call center matapos na makatanggap ng su­nud-sunod na text mes­sages ang isang kawani ka­ugnay ng nakatakdang pagsabog ng isang bomba na naka­lagay sa nasabing guasali at nakatakdang su­mabog kahapon ng mada­ling-araw sa Mandaluyong City.

Ayon kay SPO4 De­metrio Marero, team leader ng Eastern Police District-Explosive Ordnance Divi­sion (EPD-EOD), isang tawag ang kanilang na­tang­­gap dakong alas-11 ng gabi kamakalawa mula sa pamunuan ng Accenture Call Center na matatag­puan sa Cybergate Tower II sa kanto ng Pioneer St at EDSA Brgy. Ilaya Ibaba ng nasabing lungsod na pasasabugin umano ang nasabing gusali.

Nabatid na sunud-sunod na text messages ang natanggap ni Corazon Moscaso, site lead ma­nager ng nasabing call center na dakong alas- 12:30 ng madaling araw ay may sasabog na bomba sa locker room ng 22nd floor ng nasabing gusali kung saan nandoon ang ka­nilang kompanya.

Agad na rumesponde ang puwersa ng EPD at Special Weapons and Tac­tics (SWAT) ng Mandalu­yong police kasama ang limang K-9 dogs at maayos na pinababa ang mga empleyado ng nasabing call center at saka hina­lug­hog ang nasabing gusali su­balit negatibo ang re­sulta nito at walang na­kuhang bomba makalipas ang ilang oras na pagha­hanap. (Edwin Balasa)