Opisyal hands-off sa spot report

Dumistansya kahapon ang mataas na opisyal ng Southern Police District Office kaugnay sa direktiba ng hepe ng Philippine National Police na nagbabawal na magbigay sa media men ng mga spot report ng mga nagaganap na krimen sa mga lugar na nasa­sakupan.

Kasabay nito, mariing iti­nanggi ni Ms. Rose Lara, spokeswoman ng SPD, na may­roong ipinalabas na direktiba si SPD Director Supt. Jaime Calungsod mula kay PNP chief Director General Jesus Verzosa para pagta­guan ang media na maka­kuha ng mga spot reports sa mga lugar na pinangya­yari­han ng krimen.

Sa ipinahatid na mensahe ni Supt. Ca­lungsod, nais umano niyang makipag-ugna­yan sa media kasama ang lahat ng hepe ng pulisya sa anim na lungsod ng SPD upang magkaroon ng “har­mony” sa pagitan ng media at pulis. (Rose Tamayo-Tesoro)