33-anyos binoga ng ka-live-in na sekyu

Agad na nasawi ang isang 33-anyos na bebot matapos na mabaril sa dibdib ng kanyang ki­na­ka­samang security guard, kamakalawa ng gabi sa Que­zon City. Hindi na umabot ng buhay sa Novaliches Ge­nera­l Hospital ang bikti­mang nakila­lang si Shiela Ver­soza.

Hawak naman ngayon ng Quezon City Police District-Cri­minal Investiga­tion and De­tection Unit ang suspek na si Herico Zaca­rias, 33, stay-in sa binaban­tayan nitong gusali sa Francisco St., Brgy. San Bar­tolome, Novaliches.

Sa inisyal na ulat, na­ganap ang insidente da­kong alas-10:15 ng gabi sa loob ng ku­warto ni Za­ca­rias.

Nabatid na una nang naki­pag-inuman ang da­lawa ka­sama ang ina ng biktima at isa pang security guard kung saan masaya pa nilang pina­plano ang pagdiri­wang ng ka­arawan ni Versoza sa darating na Oktubre 30.

Nagpaalam naman ang da­lawa na matutulog na sa ka­nilang kuwarto. Maka­lipas ang ilang sandali, isang putok ng baril ang narinig buhat sa ku­warto hang­gang sa lumabas si Zacarias dala ang duguang katawan ng biktima at isi­nugod sa pagamutan.

Sa im­bestigas­yon, sinabi ni Zacarias na aksi­dente ang nangyari. Bigla umanong hi­ nab­lot ng babae ang kanyang baril hanggang sa mag-aga­wan sila at ma­putukan si Versoza. (Danilo Garcia)