Phase out sa thermometer iginiit

Tahasang sinabi ni Manila 3rd District Councilor at Majority Floor Leader Manuel Zarcal na dapat lamang na i-phase out na ang mga medical equipment na may mercury sa mga government hospital sa Maynila mata­pos na magpalabas ng Administrative Order ang Department of Health hinggil dito.

Ayon kay Zarcal, dapat lamang na agad na sumu­nod ang mga government hospital dahil ang kalusu­gan ng bawat Manileño ang nakasalalay dito.

Una nang nagpalabas ang DOH ng administrative order (AO) No. 2008-0021 na unti-unting nagtatang­gal sa mga health care fa­ci­lities ng mercury medical devices.

Subalit sa pahayag ng Health Watch Coalition kamakailan, lumilitaw na anim pang pampublikong ospital sa bansa ang gu­ma­gamit ng “old-fashioned thermometer” at sphygmomanometer na ginagamit naman sa pagkuha ng blood pressure.

Maliban sa mga ospi­tal, ilang dental center din sa bansa ang gumagamit ng mercury amalgam.

Dahil dito, sinabi ni Zar­cal na posibleng hili­ngin niya sa Committee on Health ng konseho ng May­nila na mag­sagawa ng ins­peksiyon upang mala­man kung alin pang ospital sa Maynila ang gumaga­mit ng mga kaga­mitan na may mercury.

Ang mercury ay isa uma­­ nong highly toxic at maaaring makamatay kung masisinghot at deli­kado sa balat ng tao. May masama itong epekto sa nervous, digestive, respiratory, immune systems at kidney at posibleng ma­ging dahilan ng lung damage. (Doris M. Franche)