Australian national biktima ng 'kotong' na money changer

Sa kabila ng pagpapasara ni Manila Mayor Alfredo S. Lim ng may 29 na money changer sa Maynila, isa na namang Australian national ang na­biktima ng shortchanged o ‘kotong’ ng isang ‘fly-by-night’ money changer, na hindi rin nahuli ang mga suspect ma­tapos magsipagtago bago pa dumating ang mga pulis, sa Ermita, Maynila, nabatid kahapon.

Inireklamo ng biktimang si Najmaddin Omar Baban, may asawang Pinay at residente ng 1st Avenue, Murphy, Cubao, Quezon City ang panloloko sa kanya ng P14,000 matapos na magpa­palit ng dolyares.

Sa reklamo sa Manila Police District-Station 5, nag­papalit ng 500 Australian dollars si Baban sa isang walang pangalang money changer sa Adriatico st., sa Ermita at sa inaakalang P19,900 ay P5,900. lamang ang nakuha nang kanyang muling bilangin.

Mabilis na isinuplong sa pulisya ang insidente subalit walang naabutang suspect sa money changer shop nang tunguhin. (Ludy Bermudo)