Kelot sinalpok ng bus, dedo

Isang hindi nakikilalang lalaki ang nasawi matapos itong salpukin ng bus habang tumatawid sa may C-3 Road sa Caloocan City, kamakalawa ng gabi. Ang biktima ay   tina­tayang nasa edad na 35 pataas, may taas na 5’2” ­5’3”, may tattoo sa kanan balikat, naka- berdeng t-shirt at maong na shorts, nagtamo ito ng matinding pinsala sa ulo at kata­wan. Sumurender naman sa pulisya ang suspek na si Joselito Pangilinan, 52; at driver ng Baliwag Transit, na may plakang CVR-196. Ayon sa ulat, naganap ang insidente dakong alas-6:15 ng gabi sa kahabaan ng C-3 Road ng nabanggit na lung­sod.Tumatawid ang biktima sa nabanggit na lugar nang mahagip ito ng naturang bus na minamaneho ng suspek, sa lakas ng impact tumilapon ang biktima na naging dahilan ng kamatayan nito. (Lordeth Bonilla)