Bodega sa QC sinalakay: Imported, expired na gatas nasamsam

Sinalakay ng pinagsanib na puwersa ng Department of Health (DOH), Presidential Anti- Smuggling Group (PASG) at Bureau of Food and Drugs (BFAD) ang isang bodega kung saan nadiskubre ang mga im­ported at expired na gatas na hinihinalang may sangkap na melamine kahapon sa Balinta­wak, Quezon City.

Dakong alas-2 ng hapon nang lusubin ng mga awto­ridad ang bodega ng Bestyield Mar­keting sa Quirino Highway, Brgy. Balong Bato, Balintawak na pag-aari nina Edgardo To­gano at Erwin Castillo. Kinum­piska dito ang saku-sakong gatas na buhat pa sa Australia, New Zealand at Canada.

Gamit umano ng Bestyield ang ibang pangalan na “Glue­wide” bilang kompanya ngunit na­batid na wala itong permit para mag-import ng mga gatas.

Ayon sa mga residente, ma­tagal na umanong nag-oope­rate ang nasabing bodega at dito na rin nire-repack ng mga empleyado bago ideliber sa mga malls sa bansa.

Kasalukuyang sinusuri ng DOH ang nasabing mga im­ported at expired ng mga gatas upang mabatid kung nagta­taglay ito ng nakakalason na sangkap na melamine. (Danilo Garcia)