Magkapitbahay todas sa 'pusoy'

Dalawa katao ang binaril at nasawi habang isa ang sugatan sa away ng ilang magka­kapitbahay na nagsi­mula sa larong pusoy sa Sta. Ana, Manila ka­hapon ng madaling-araw.

Kinilala ang mga nasawi na sina Ricardo Tapia, 29, walang tra­baho; at Wilmar Sum­cad, 31, guwardiya.

Sugatan naman sa insidente matapos ha­bulin at bugbugin ng taumbayan ang kapatid ni Sumcad na si Gen­nie, 34.

Sinabi ng pulisya na naunang binaril at na­patay umano ni Gennie si Tapia sa harap ng bahay nito sa naturang lugar ng hatinggabi. Pag­karaan ng ilang oras, binaril at napatay si Wil­mar ng hindi pa nakiki­lalang suspek na hini­hinalang ipinaghi­ganti si Tapia.

Nag-ugat umano ang awayan sa pagla­laro ng pusoy ng mga sus­pek at biktima sa lamayan sa isang na­matay nilang kapit­bahay. (Ludy Bermudo)