Dengue umatake sa QC school

Pinaiimbestigahan ng Department of Health (DOH) ang isang public high school sa lungsod Quezon na kung saan maraming mag-aaral dito ang nakitaan ng sinto­mas ng dengue.

Bunsod ito ng naka­rating na ulat kay Health Secretary Francisco Duque III hinggil sa pag­taas umano ng bilang ng mga mag-aaral sa Ramon Mag­saysay High School sa Cubao, Que­zon City na hinihinalang nagta­taglay ng dengue ni­tong mga nakalipas na linggo.

Sinasabing marami sa mga estudyante ang isinusugod sa kli­nika ng paaralan at kinakikitaan ng dengue symptoms, kaya’t ka­agad itong inak­syunan ng kalihim.

Pinaalalahan ni Du­que ang mga guro at opis­yal ng mga pam­pub­likong paaralan na tiya­king malinis ang kapali­giran ng paara­lan upang maiwasang pamugaran ng dengue mosquitoes.

Kasabay ng inaasa­hang pagtaas ng kaso ng dengue, pinayuhan din ng kalihim ang publiko sa posibleng pagtaas ng mga kaso ng may sipon, ubo at lagnat dahil sa pa­bagu-bagong pana­hon at temperatura.