4 kawatan todas sa shootout

Apat na pinaniniwala­ang mga holdaper/ car­jackers lulan sa dala­wang motorsiklo ang na­patay ng mga tauhan ng Quezon City police ma­tapos ang naganap na shootout ka­makalawa ng gabi sa may Common­wealth ng na­bang­git na lungsod.

Nakilala ang mga na­patay na suspek sa pa­ma­magitan ng kanilang ID na sina Dominic Torres, 43; Ber­nard Sa­libio, 29; Ber­nardo Re­quero, 31; at Wil­bert Ri­ca­fort, pawang resi­dente ng Sitio Galas, Ba­lasing, Sta. Maria, Bulacan.

Ayon sa ulat, naga­nap ang shootout dakong alas-11:40 ng gabi sa kanto ng Bicol-Leyte at San Pedro Streets, Brgy. Common­wealth, Quezon City.

Nabatid pa sa report na kasalukuyang nagsa­sa­gawa ng   “Oplan Sita” ang mga tauhan ng QCPD Anti-carnapping unit sa ka­habaan ng Com­mon­wealth Avenue nang ma­ispatan ang apat na sus­pek sakay ng dala­wang mo­torsiklo patungo ng Que­zon City Me­morial Circle.

Kaagad na pinara ng mga pulis ang naturang mga suspek pero sa halip na huminto ay ma­bilis na pinasibad ang ka­nilang mga sasakyan   pa­tungo ng Villongco St. kaya’t hina­bol sila ng mga awtoridad.

Habang tinutugis ang mga suspek nagpaputok ang mga ito sa direksyon ng mga pulis kayat napi­litang gumanti ng putok ang grupo ng huli.

Matapos ang maikling gunbattle bumulagta ang apat na suspek habang nakatakas naman ang dalawa pang kasama­han ng mga ito.

Narekober sa crime scene ang M26 fragmen­tation grenade, 3 .38 ca­li­ber revolvers at 12-gauge shotgun.

Malaki ang paniwala ng pulisya na maaaring nag-aabang ang mga sus­pek ng kanilang pani­ba­gong bibiktimahin nang maispa­tan ng mga pulis.