Underpass tinalon ng bigong lover
September 17, 2008 | 12:00am
Nagmistulang chicharon bulaklak ang nasungalngal na nguso ng isang lasing na 28-anyos na lalaking hiniwalayan ng nobya matapos tumalon mula sa 10 talampakang underpass sa Lerma St., Sampaloc, Manila kahapon ng madaling-araw.
Kasalukuyang ginagamot sa Jose Reyes Memorial Medical Center ang biktimang si Dandi Lamera, 28, walang trabaho ng España, Manila sanhi ng pagkakabagsak ng mukha nito sa semento.
Nauna rito nakipag-inuman sa kanyang mga kaibigan si Lamera makaraang makipag-away at makipaghiwalay sa kanya ang kanyang nobya. Pero nagulat ang mga kainuman ni Lamera nang umakyat ito sa underpass at tumalon. (Ludy Bermudo)
BrandSpace Articles
<
>
- Latest
- Trending
Trending
Latest