Ginang binoga

Isang misis ang binaril at napatay ng kinaka­sama niyang lalake ma­ka­raang bungangaan umano niya ito sa kani­lang bahay sa Pasay City kahapon ng madaling-araw.

Kinilala ang biktima na si Dina Acuyong, 23, residente ng 664 Protacio St., ng nabanggit na lung­sod. Agad namang tuma­kas ang suspek na si Carlo Rico Tiedra, 22, live-in partner ng biktima.

Ayon sa ilang saksi, ban­dang alas-3:00 nang ma­daling-araw nang ma­karinig ng ingay mula sa bahay ng mag-live-in at hininalang inumaga na naman ng uwi ang sus­pek.

Maaari umanong nagseselos ang biktima at hinihinalang may ibang babae ang suspek hang­gang sa magkaroon sila ng mainitang pagtatalo at mabaril ng huli ang una. (Rose Tamayo-Tesoro)