MM todo bantay sa Ramadan

Mas pinaigting ng Na­tional Capital Region Po­lice Office (NCRPO) ang pag­ba­bantay at seguridad sa lahat ng Muslim com­mu­nities sa iba’t ibang lung­sod sa Metro Manila ka­sa­bay ng pagsimula ka­ha­pon ng Ramadan ng pa­­na­nampalatayang Islam.

Ayon sa NCRPO, ­na binabantayan ngayon ang Maharlika Village ng Ta­guig, Quiapo, Bagong Si­lang ng Caloocan at Para­ñaque City kung saan ma­tatagpuan ang maraming residenteng Muslim.

Nabatid kay NCRPO chief Dir. Gen. Geary Barias na simula kahapon ay nagpakalat ang kan­yang tanggapan ng karag­dagang pwersa sa mga Muslim areas, kasabay ng paglulunsad ng 24-oras na pagpapatrulya ng pinag­sanib na pwesa ng civilian volunteers at mga miyem­bro ng kapulisan.

Nais lamang umanong matiyak ng NCRPO na walang makakalusot na pananabotahe at anu­mang kaguluhan sa gitna ng pag-aayuno o pagni­nilay ng mga Muslim resi­dents sa Kalakhang May­nila sa panahon ng Ramadan.

Nangako naman ang pulisya na kanilang iga­galang ang panahon ng pag-aayuno ng mga Mus­lim at iwasang magkaroon ng “collateral damage” sa nangyayaring kaguluhan sa Mindanao bagama’t tuloy pa rin ang opensiba ng militar sa apektadong lugar doon sanhi ng mga pag-atake ng ilang grupo ng Moro Islamic Liberation Front (MILF).

Ang Ramadan ay nag­simula kahapon at mag­­tatapos ito sa Set­yem­bre 29 kung saan ito ang panahon ng kanilang pag­ninilay, taimtim na pagda­rasal at paghingi ng kapa­ta­waran sa kanilang mga nagawang kasala­nan. (Rose Tamayo-Tesoro)