Walong katao ang nasugatan nang banggain ng isang pampasaherong bus ang tatlong sasakyan kahapon ng madaling araw sa Cubao, Quezon City. Dinala sa East Avenue Medical Center ang mga biktima.
Sinasabing nakikipagkarera ang bus ng Don Mariano Bus Lines sa isang Honda CRV Sports vehicle nang mawalan ng kontrol sa manibela ang una at bumangga sa huli.
Kasunod nito, binangga ng bus ang isang mini-coaster na siya namang nakabangga sa isang taxi. Mabilis na nakatakas ang driver ng bus. (Angie dela Cruz)