Pagsali ni BF sa celebrity duets kinondena

Mariing kinondena ng mili­tan­teng grupo ng mga mangi­ngisda, ang Pamalakaya ang pagkakasali ni MMDA Chair­man Bayani Fernando bilang isa sa walong contestant sa second season ng Celebrity duets ng GMA 7.

Ayon sa Pambansang Lakas ng Kilusang Mamamala­kaya ng Pilipinas (Pamalakaya) hindi bagay sa mga taong ka­tulad ni Fernando na mistu­lang hitler ang sasali sa ganitong uri ng kumpetisyon.

“It is not only done in bad taste.This modern day Hitler and Rated A puppet of the ruling political syndicate in Malaca­ñang joined the songing reality show for celebrities in the name of his cruel intentions and ob­ses­­sion for power,” ayon kay Fer­nando Hicap, national chair­man ng Pamalakaya.

Anila ang pagsali ni Fer­nando sa naturang reality show ay isang insulto lamang para sa collective intelligence ng mga Pinoy at sa libu-libong urban poor at mga vendors sa Metro Manila na pinagmamalupitan ng mga brutal na kamay ni Fer­nando at kanyang principal benefactor sa Malakanyang.

Ginagamit lamang umano ni Fernando ang GMA-7 celebrity duets para maipapakitang may puso din ito at sa pamamagitan nito ay nawawala ang imahe nito bilang isang diktador na re­sulta ng araw araw na paggiba sa mga bahay ng mga mahi­hirap na mamamayan at mga kaawa-awang vendors na ito lamang ang pinagkukunan ng ikinabubuhay ng kanilang mga pamilya. (Angie dela Cruz)