Money changers na kotong binabantayan

Inutos ni Acting Ma­nila Mayor Isko Mo­reno  sa Manila Police Dis­trict at sa mga awto­ridad ng City Hall na i-monitor ang na­ngongotong umano na mga money changer ma­tapos na mag­rek­lamo ang isang Dutch na­tional at misis nito na nabiktima sa Mabini St., Maynila.

Ayon kay Moreno, ka­ilangang agad na  ma­sa­wata ang modus ope­randi ng ilang money changer tulad ng Len Money Changer  sa Ma­bini St. kung saan nag­reklamo ng panda­raya si Maria Jasmin Van Shaick, 63, ng #54 Larate Road, Pilar­ Village, Las Piñas City.

Sinasabi ni Shaick na nagpapalit  sila ng 6,000 euros sa isang Annabelle Santos, 38, teller ng na­banggit na money changing shop. Ang 6,000 Euro ay aabot ng P423,000 kung saan ang palitan nito ay P70.50.

Bagama’t binilang naman sa kanyang hara­pan ang pera, nagulat na lamang siya  ng kanyang mu­ling bilangin na kulang na ito ng P180,000.

Agad na nagrekla­mo si Shaick kay San­tos su­balit itinanggi naman  ito ng huli kung kaya na­pilitan na itong lumapit sa MPD-Station 9 at sa Vice Mayors’ Office.

Ayon naman kay Mo­reno, paiimbesti­ga­han niya ang  insi­dente at kung mapa­patuna­yang  nagka­sala ang  money changer ay agad niya itong ipasa­sara.

Maging ang  Bang­ko Sentral ay agad na sa­sabihan hinggil sa  pan­ lo­lokong gina­gawa ng ilang money changer sa Maynila.