Cartographic sketch ng killer ng 2 nursing student, inilabas

Inilabas na kahapon ng Manila Police District (MPD) ang cartographic sketch  ng isa sa mga killer ng dalawang nursing student na pinagbabaril  sa Tondo, Maynila, noong Linggo.

Inilarawan ang suspek na may edad na 19-20 anyos, may taas na 5’4’’-5’6’’,  maiksi ang buhok at armado ng kalibre 45.

Magugunitang binawian ng buhay sa Mary Johnston Hospital sina Bryan Lorenzana, 18, ng 530 Peña­losa St., Tondo at Ricky Almario, 21, ng Tonsuya, Ma­­labon City, kapwa 3rd year nursing student sa Mar­tinez School of Nursing.

Binaril at napatay ang dalawa habang naglalakad kasama ang isa pang kaibigan, dakong alas-4 ng madaling araw noong Linggo, sa Franco St., Tondo. (Ludy Bermudo)