2 holdaper bulagta sa shootout

Patay  ang dalawang hinihinalang miyembro ng “Nikilado Gang” na sang­kot sa nagaganap na bus holdap, habang sugatan naman ang isang kagawad ng pu­lisya matapos ang pag­pa­­palitan ng putok ng baril, kamakalawa ng gabi sa Makati City.

Habang isinusulat ang balitang ito ay pa­tuloy pang inaalam ng Ma­kati City Po­lice ang pagkakakilan­lan sa mga  nasawi na uma­no’y hi­ni­­hinalang mga miyem­bro ng isang holdup at rob­bery syndicate na kumi­kilos sa mga lungsod ng Kalak­hang Maynila at nambi­bik­tima ng mga pam­­pasa­herong bus.

Sugatan naman sa mukha si PO3 Rizaldo Abalos ng Makati City Po­lice matapos ang ilang mi­nu­tong pakikipagpa­litan nito ng putok sa mga na­sawi. Ayon sa ulat dakong  alas-11:50 ng gabi nang maganap ang nasabing insidente sa Mantrade, Pasong Tamo, Makati.

Nabatid na bago ang insidente ay una uma­nong biniktima ng mga suspect ang isang pam­pasaherong bus at nang pababa na ang mga ito sa nasabing sa­sak­yan ay namataan ang mga ito ni Abalos. Dahil sa mga ka­hina-hinalang kilos ay agad na sinita  ni Abalos ang mga suspect subalit agad na bumunot umano ng baril at walang habas na pina­putukan ang una da­hilan upang madapli­san ito sa mukha.

Dahil dito ay gumanti na rin ng putok si Abalos at matapos ang ilang mi­nu­tong palitan ng pu­tok ay duguan nang naka­­handu­say ang mga suspect.

Agad na nasawi sa pinang­yarihan ng insi­dente ang isa sa mga suspect, habang nama­tay naman sa Pembo Hospital ang isa pang ka­samahan nito.

Narekober sa mga suspect ang iba’t ibang cellphone, wallets at ka­gamitan ng mga pasahe­rong kanilang biniktima.