Scaffolding kumalas, 2 obrero hulog mula 8th floor

Patay ang isang cons­truction worker habang nasa malubhang kalagayan ang kasama nito makaraang ma­hulog sila sa mula ika-8 pala­pag ng ginagawang Marikina Sports Park matapos kumalas ang tinutuntungang scaffold­ing kamakalawa ng hapon sa nasabing lungsod.

Idineklarang dead-on- arrival sa Amang Rodriguez Medical Center sanhi ng tina­mong pinsala sa ulo at kata­wan ang biktimang si Fran­cisco Binamora, 28, ng Rodri­guez, Rizal, habang kasaluku­yang agaw-buhay pa rin sa na­sabing pagamutan ang isa pa nitong kasama na si Jaime Villacarlos, 52, kapwa mga trabahador ng ginagawang Marikina Sports Park na mata­tagpuan sa Brgy. Sta. Elena ng nasabing lungsod.

Ayon kay PO1 Nelson Cruz,  naganap ang insidente dakong alas-4 ng hapon kamakalawa habang nagta­trabaho ang mga biktima sa labas ng ika-8 palapag ng gina­gawang gusali at naka­tuntong sa bakal na scaffold­ing. Bigla na lang umanong nakalas ang dugtungan ng scaffolding at dahil walang anumang nakakabit na safety equipment ay nagtuluy-tuloy na bumagsak ang dalawang biktima sa ground floor dahi­lan ng pagkakabali ng mga buto sa katawan at pinsala sa ulo.

Agad na isinugod sa paga­mutan  ang dalawa   subalit idi­neklara ng dead-on-arrival si Binamora, habang hang­gang sa kasalukuyan ay naki­kipaglaban pa rin kay kama­tayan si Villacarlos.