Mabahong kemikal ipinaanod sa ilog

Daan-daang residente ng isang barangay sa Pasig City ang nakaram­dam na pagkahilo at pag­susuka, habang ang iba naman ay kinakailangang dalhin sa pagamutan par­tikular ang mga bata maka­raang ma­ ka­langhap ng mabahong amoy mula sa isang kemi­kal na ipinaanod sa ilog kamakalawa ng ha­tinggabi sa Brgy. Rosario ng lung­sod na ito.

Ayon sa mga residente ng tabing-ilog sa West­bank, Floodway Brgy. Ro­sario, pasado alas-12 ng ha­ting­gabi nang animo’y sinu­sunog na gulong o kaya ay alumi­num na tinu­tunaw ang gumising sa ma­himbing nilang pagka­ka­tulog dahi­lan ng pagsi­sikip ng ka­nilang dibdib at hindi na makahinga. Dahil sa insi­dente ay halos nagkanda­suka at na­ngahilo ang daan-daang mga residente ng West­bank, Brgy. Ro­sario na lalo umanong tu­mindi ang amoy habang tu­matagal kung kaya kara­mihan sa mga residente ay nagsigi­singan at nilisan ang ka­nilang lugar habang ang ibang mga bata ay isinu­god na sa mga pagamutan upang mabigyan ng pa­unang lunas.

Ang pangyayari ay nag­dulot ng kaguluhan sa mga residente kaya agad na su­maklolo ang Pasig rescue team at inilikas ang mga re­sidente sa nasabing lugar. Teorya ng mga resi­dente, nagpaanod ng ke­mikal ang isa sa mga pab­rika sa ilog matapos sa­man­­talahin ng pamu­nuan nito ang mala­kas na buhos ng ulan ng bag­­­yong Helen. (Edwin balasa)