Opisina ng Petron inulan ng grasa

Sinugod kahapon ng mga militanteng estudyante na nagmula sa iba’t ibang kolehiyo ang tanggapan ng Petron sa Makati City  at hinagisan ito ng grasa sa kanilang pagpapatuloy na protesta laban sa sobrang taas ng presyo ng petrolyo.

Subalit hindi masyadong nakalapit ang mga estudyante sa tanggapan ng Petron dahil pinigilan   sila ng mga security guard ng kompanya at nagka­saya na lamang na  ipahayag ang kanilang protesta sa loob ng 30 minuto bago umpisahang tapunan ng grasa na nakalagay sa plastic ang dambulahalang kompanya ng langis.

Ayon kay Anakbayan Na­tional Capital Region Spokes­man Andrew Zarate, magpa­patuloy ang kanilang grupo sa mga kilos protesta at pagka­lampag sa mga kompanya ng langis gayundin sa Energy Regulatory Commission (ERC) hanggang mapilitan ang mga itong ibaba ang presyo ng petrolyo na patuloy na nagpa­pa­hirap sa sambayanan.

Sa isinagawang kilos pro­testa ng mga estudyante, ipi­na­kita nila kung gaano ang dina­ranas na hirap ng kanilang mga magulang dahil sa patuloy na pagtaas ng presyo ng petrol­yo na siya ring dahilan ng pag­taas ng mga pangunahing panga­nga­ilangan sa araw-araw ng isang pamilya.  (Edwin Balasa)