Holdaper bulagta sa parak

Isang kilabot na holdaper na nang-hostage pa ng isang room­boy ang nabaril at na­patay, ha­bang arestado naman ang dalawa niyang kasamahan ma­tapos na hol­dapin nila ang mga pasahero sa isang jeep, kahapon ng ma­­daling-araw sa Caloocan City.

Nasawi noon din ang suspek na si  Geraldson Josue, 23, ng BMBA Com­pound ng nabanggit na lungsod, habang  na­dakip naman ang kasa­ma­han nitong sina Mar­lon Sunga, 24,  at Jolito Magnaye, 23.

Sa pagsisiyasat ng pu­lisya, dakong ala-1 ng mada­ling-araw nang maganap ang insidente sa pagitan ng 2nd at 3rd Avenue Extention (RAE), Grace Park ng nasabing lungsod.

Nabatid na kasaluku­yang nagsasagawa ng checkpoint ang mga tauhan ng Police Com­munity Precinct (PCP) 5, Ca­loo­can City Police sa di-kala­yuan sa pinangya­rihan ng insi­dente nang ma­pansin ng mga ito na nag­ka­ka­gulo sa ka­bilang kalye kung saan isang pasahe­ro ang tuma­takbo at nagsa­bing hinol­dap ang ka­nilang sa­sakyan.

Mabi­lis na­mang nag­res­pon­de ang mga awtoridad at ka­nilang na­abutan ang tatlong sus­pek na papa­ta­kas na hu­man­tong sa habulan na nagre­sulta sa pagka­ka­aresto kina Sunga at Magnaye.

Samantala ang nasawi na­mang si   Jo­sue ay puma­sok sa Victory Hotel na mata­tag­puan sa ka­habaan ng 3rd Ave­nue at hi­nostage ang room­boy na si Jason De­lo­ri­no, 27, gamit ang isang patalim.

Hindi naman nasiraan ng loob si Delorino at nagawa nitong makipagbuno sa sus­pek hang­gang makawala sa pagka­kasakal na naging dahilan upang paputu­kan ni PO2 Allan Tolentino ang sus­pek na ikinamatay nito.

Narekober ng pulisya kina Sunga at Magnaye ang dala­wang kalibre .38 baril at pa­talim na ginamit ng na­sawing holda­per at mga ari-ariang kinulimbat ng mga ito sa ka­nilang biniktima.