Mas paiigtingin ng Metropolitan Manila Development Authority ang kanilang sidewalk clearing operations sa university belt sa Maynila at maging sa Divisoria.
Sinabi ng MMDA sa isa nitong pahayag na hindi nito tatantanan ang pagtanggal sa lahat ng mga sagabal sa mga sidewalk ng university belt.
Pangunahin ding target ng MMDA ang pagtanggal sa mga illegal vendors ng mga pekeng diploma, segunda-manong mga libro, bulaklak at mga kainan na sumasakop sa buong sidewalk ng Lerma St. sa harap ng Far Eastern University; Claro M. Recto malapit sa University of the East, San Sebastian College at sa Quiapo Campus ng Manuel L. Quezon University na halos hindi madaanan ng mga tao. (Rose Tamayo-Tesoro)