Panibagong oil price hike ikinasa

Muling ikinasa ng mga kompanya ng langis ang panibagong oil price hike simula kahapon ng madaling araw, ito ang ika-16 na beses na pag­taas ng presyo ng petrol­yo ngayong taong ito.

Dakong alas-12:01 ng madaling araw kahapon ng simulan ng Pilipinas Shell ang halagang P1.50 kada litrong pag­taas sa presyo ng ka­nilang gasolina, diesel at kerosene na sinundan ng UniOil, Eastern Petro­leum, Chevron at Caltex dakong alas-6 ng umaga.

Ayon sa mga taga­pag­salita ng mga kom­panya ng langis, ang ling­guhang oil price hike ay bahagi pa rin ng kanilang under­ recoveries dahil sa pa­tuloy na pagtaas ng pres­yo ng petrolyo sa pan­daigdigang pamilihan ng mga nakaraang buwan.

Dahil sa panibagong pagtaas ng presyo ng pe­trolyo, papalo na sa P60 ang presyo ng ga­ solina kada litro habang P50 naman ang presyo ng diesel.

Inaasahan namang susunod pa  ng kapa­re­has ding pagtaas ang iba pang kompanya ng langis. (Edwin Balasa at Rose Tamayo)