Kakulangan ng palikuran sa eskuwelahan sa Taguig, itinanggi

Pinabulaanan  kahapon ni Taguig City Mayor Sigfrido Tinga ang ulat  na iisa lamang ang pali­ku­ran o comfort room na gina­gamit ng mahigit sa 2,000 estud­yante ng Silangan Elementary School sa Brgy. Maharlika Village, nabanggit na lungsod.

Ayon kay Tinga, lumalabas sa kanilang isinagawang ins­pek­siyon na may walong pali­kuran naman umano ang naka­tayo mismo sa nasabing pa­aralan subalit ilan sa mga ito ay hindi basta-basta maga­mit bunga ng mga ginagawa pang bagong silid-aralan.

Aminado naman si Raul Villar, head ng Taguig Facilities Management Office na nag­karoon nga ng kakulangan sa pasilidad sa palikuran subalit nangako naman itong aaksiyu­nan ang nasabing problema.

Bukod dito, sinabi din ni Villar na lahat ng comfort rooms ay maaayos na sa da­rating na buwan ng August, habang ang may 1,222 silid-aralan ay sasa­ilalim sa reno­vations bago pa man matapos ang taon.

Ayon naman kay Tinga, na­ katakdang magdag­dag ng  may 150 new class­rooms bago ma­tapos ang su­sunod na pasu­kan kung saan nakapagpa­tayo na rin ang lokal na pama­halaan ng may 260 silid-aralan simula pa noong 2001. (Rose Tamayo-Tesoro)