200 kilo ng bulok na karne ng manok, nasamsam

Humigit-kumulang sa 200 kilo ng nabu­­bulok na karne ng manok ang na­sam­­sam ng pinagsanib na puwersa ng Pasay City Hall Detachment at Veteri­narian Office na nakatakda na sanang ibenta sa pa­mili­han, kahapon ng umaga sa nasabing lungsod.

Ang pagkakasabat ay bunsod ng isang buwan na pagmamanman ng mga awto­ridad  kaugnay sa iniimbak na pinagputul-putol na bahagi ng karne ng manok sa Raymundo St., Pasay City.

Arestado naman ang dalawa sa mga negosyanteng umano’y nagpupuslit ng natu­rang mga karne na kinilalang sina Grace Pedernal, 25, at Evelyn Joaquin, 38, na kapwa sinampahan na ng mga kasong paglabag sa consumers act of the Philip­ pine at R.A. 9296 o Meat Inspection Code.

Ayon  sa operatiba, naging positibo ang kanilang operasyon makaraang maka­tang­gap sila ng impormasyon mula sa isang residente sa Raymundo St., ukol sa gina­gawang imbakan ng mga inaangkat na pinagputul-putol na karne ng manok mula pa sa Bulacan.

Nabunyag din umano ang modus-ope­randi ng mga suspect matapos na umali­ngasaw sa lugar ang masangsang na amoy ng nabubulok na karne ng manok dakong alas-4 ng madaling-araw na nag­bunsod upang salakayin ng operatiba ang naturang lugar. Naaktuhan naman ang dalawang na­arestong suspect habang isinasalansan ang mga karne para dalhin sa Pasay City Public Market. (Rose Tamayo-Tesoro)