5 MPD cops  sa ‘kotong’, itatapon sa Mindanao

Tuluyan nang ipata­tapon  sa Minda­nao ang limang pulis Maynila ma­kara­ang masibak sa ka­nilang puwesto sa MPD  dahil sa pangongotong at pagna­nakaw sa isang Chef ng isang hotel sa Malate, Maynila.

Ayon kay Supt Elea­zar Mata, Hepe ng Manila Police District (MPD)-General Assignment Sec­tion (GAS), ididestino sa Autonomous Region in Muslim Min­danao (ARMM) at Provincial Regional Office (PRO) 9 (Zam­boanga City) sina Senior Inspector  Rolando Men­doza; Ins­pector Nelson Lagasca; SPO1 Nestor David; PO3 Wilson Ga­vino at PO2 Roderick Lo­pena pawang naka­talaga sa MPD-District Mobile Force Unit (DMFU) ma­ka­raang irek­lamo ni Christian Ka­law, 30, Chef ng Mandarin Hotel at residente ng 188 P. Torres St., Lipa City  

Magugunitang si Ka­law ay sinita umano  ng mga pulis habang naka­parada ang kanyang kotse dakong alas-10:30 ng gabi noong May 9, 2008 sa  kanto ng Vito Cruz St. at Taft Ave., Manila. Inakusahan din ang biktima na guma­gamit ng ipinagbabawal na ga­mot at kinuha ang P3,000 cash na naka­lagay sa ash­tray ng kanyang sasakyan.  Ma­tapos na walang maku­hang cash sa kanyang ATM, puwersahang pina­kain din siya ng shabu bago tuluyang dinala sa MPD-HQ kung saan tina­kot umano siyang ka­kasu­han ng paggamit ng droga.

Gayunman, makaka­uwi lamang umano ang biktima kung makapagbi­bigay ito ng halagang P200,000 ka­ palit ng kan­yang paglaya. Nakauwi naman ang bik­tima maka­ra­ang ma­ka­pagbigay ng P20,000. Ina­resto naman ang mga na­banggit na pulis maka­raang kumalat sa e-mail ang gi­nawang pangongo­tong ng mga ito. Matapos ma­aresto ang mga ito ay kina­suhan sila ng rob­bery, robbery Ex­tor­tion, grave threat at physi­cal injuries bago sini­bak sa puwesto. (Grace dela Cruz)