P2.50 pang pagtaas sa kada kilo ng LPG

Ilang araw pa lamang matapos na muling magtaas ang presyo ng petrolyo ay muling nag-anunsyo kahapon ng panibagong P2.50 kada kilo pagtaas ng presyo ng Liquified Petrolium Gas (LPG) ang gru­pong LPG Marketers Associa­tion (LPGMA).

Ayon kay Arnel Ty, presi­dente ng grupong LPGMA, sisimulan nila ang panibagong P2.50 kada kilo o umaabot sa P27.50 sa isang 11-kg na tang­ke ang presyo ng kanilang tin­dang LPG sa darating na week­­end o simula ng buwan ng Hunyo. Paliwanag ni Ty, wala na silang magagawa kundi ang mag-implimenta ng pani­bagong LPG hike ma­tapos ang walang humpay na pag­taas ng presyo ng con­tact price nito sa pandaigdi­gang pa­mili­han na umaabot na sa ngayon sa halagang $60 kada metro tonelada.

Dagdag pa nito na posible pa umanong hindi matatapos dito ang gagawin nilang LPG hike dahil pa­tuloy pa rin ang pag­palo ng presyo ng petrolyo sa pan­daigdigang pamilihan.

Dahil sa gagawing pagtaas ng presyo ng LPG ng grupo ni Ty, dealer ng Omni, Sula, Cat at Pinnacle Gas ay aabot na sa P595.50 ang pres­ yo nito si­mula sa Hunyo mula sa dating P568 na dati nitong presyo.