Batang may  cerebral palsy inabandona ng magulang

Isang bata na tinata­yang nasa 6-8 taong gulang at may sakit na celebral palsy ang ku­sang-iniwanan ng kan­yang mga magulang sa harapan mismo ng Pasay City Sports Complex.

Halos wala nang malay nang isugod ng mga barangay tanod sa Pasay City General Hospital ang hindi pa naki­kilalang bata na nang abandunahin ng kanyang walang pusong ina sa naturang lugar.

Labis naman naba­gabag ang kalooban ni Pasay City Mayor Wen­ceslao “Peewee” Trinidad nang makarating sa kanyang kaalaman ang pag-abandona sa bata kaya inatasan niya ang Pasay Social Welfare Department na pansa­man­talang kupkupin at bigyan ng pagkalinga ang wa­lang malay na bata hangga’t hindi inaaruga ng kanyang tunay na mga magulang.

Malaki naman ang hinala ni Insp. Mila Car­rasco, hepe ng Women and Children’s Protection Center na nagsawa na o nahirapan na ang mga magulang ng bata sa pag-aaruga rito.

Aminado rin si Car­rasco na mahirap tala­gang alagaan ang ba­ tang may ganitong uri ng ka­ramdaman subalit bilang magulang ay tung­kulin na alagaan ang anak kahit ano pa ang kanyang ka­pan­sanan. (Rose Ta­mayo-Tesoro)