Bus na walang chips huli

Ikinasa na kahapon ng Metropolitan Manila Development Authority ang panghuhuli sa mga bus na bumibiyahe sa kahabaan ng EDSA at na­bigong magpalagay ng micro chips bilang bahagi ng programang Organized Bus Route System na isinulong ng ahensiya.

Ayon kay MMDA Chair­man Bayani F. Fer­nando, sapat na ang ma­habang panahon na ka­nilang ipinagkaloob sa mga bus operators para tugunan ang pagpapa­lagay ng micro chips na magsisilbing daan upang magkaroon  ang bawat unit ng radio frequency identification technology.

Sa rekord ng MMDA, 2,500 pa lamang na mga bus sa kabuuang 3,500 na bumibiyahe sa EDSA ang nagpapala­ gay ng micro chips. (Rose Tamayo-Tesoro)