Anak ni Lim lumaya, matapos magpiyansa

Sa kabila ng pag­kakakumpiska sa po­sesyon ng 100 gramo ng shabu, tuluyang pina­laya ng Manila Regional Trial Court ang anak ni Manila Mayor Alfredo Lim mata­pos na ma­kapagpi­yansa na sa kasong drug pushing, trafficking, at pagga­mit ng iligal na droga.

Kinumpirma ni Philippine Drug Enforcement Agency-Metro Manila Regional Office chief, Sr. Supt. Benjamin Maga­long na tuluyang tinang­gap na ng Manila Regional Trial Court ang P400,000 piyansa para sa pansamantalang ka­layaan ni Manny Santos Lim.

Nabatid na una nang itinakda ang P600,000 piyansa para sa patong-patong na kasong drug pushing, using at trafficking kay Lim ngunit na­ipababa ito sa P400,000.

Habang isinusulat ito, dinala rin kahapon sa PNP Crime Laboratory Service si Lim upang isailalim sa medical exa­ mination bago tuluyang pakawalan.

Matatandaan na ina­resto ng PDEA si Lim noong Marso 14 sa Pharaoh Hotel sa Sta. Cruz, Maynila kung saan na­kuha umano sa poses­yon nito ang 100 gramo ng hinihinalang shabu. (Danilo Garcia)