Witness sa Paco holdap, lumutang

May hawak nang testigo ang Manila Police District (MPD) na positi­bong kikilala sa mga suspek na nangholdap at pumatay sa abogadong negosyante  noong Mayo 13 matapos na mag-withdraw ang una sa  Paco, Maynila.

Ayon kay MPD – Homicide Division Chief Dominador Arevalo, may­roon ng testigong hawak ang pulisya na siyang kikilala sa mga  suspek na bumaril at pumatay sa biktimang si Atty. Alfredo Dy. Aniya, pinag-aaralan pa ng pulisya ang statement na ibibigay ng nasabing witness bago pa man tulu­yang ipalabas sa publiko ang pagka­kakilanlan nito.

Sa ngayon aniya ay masusi pa rin na nagsa­sagawa ng imbestigas­yon ang MPD at maingat na nagpapalabas ng anu­mang impormasyon ka­ug­nay sa progreso ng kaso.

Magugunita na si Dy ay nag-withdraw ng P1-M sa Banco de Oro-Angel Linao st., Paco Branch  at ilang metro lamang ang layo mula dito ay pina­ikutan na ito ng mga sus­pek at mabilis na binaril at tinangay ang nasabing halaga.

Bukod kay Dy ay na­sawi din ang dalawang pulis-Maynila matapos na rumesponde ang mga ito at makaengkuwentro ang anim na mga sus­pek. (Grace dela Cruz)