Graft laban sa 2 tauhan ng city hall

Nahaharap sa  kasong graft at direct bribery sa Manila Prosecutor’s Office ang dala­­ wang tauhan ng  Manila City Treasurer’s office na nadakip sa isang entrapment ope­ration ng District Special Police Unit kaugnay sa pangingikil ng salapi mula sa isang negos­yante, noong Biyernes.

Kinilala ni Senior Insp. Marcelo Reyes ang mga sus­pek na sina Rochelle Gu­tierrez at Alfredo Silva, kapwa business license inspectors.

Pormal namang naghain ng reklamo ang negosyanteng si Mario Pronstoller, 60-anyos, may-ari ng Golden Eagle Shipping Corp.

Dakong alas-4 ng hapon, noong Biyernes nang isagawa ang pagdakip sa dalawang suspek sa loob mismo ng Manila City Hall treasurer’s office.

Sa reklamo ng negos­yante, nagtungo sa kaniyang tanggapan ang mga suspek noong Mayo 6, 2008 at ipri­nisinta sa kaniya ang  hand­written assessment ng tax arrears para sa loob ng limang taon na nagkakahalaga ng P380,000.

Inalok umano ng dalawa ang negosyante sa compro­mise settlement na aabot lamang sa P80,000 na ibinaba pa sa P35,000. Sa puntong iyon ay nakipagkasundo ang biktima na makikipagkita  upang dalhin ang ka­bayaran.  Lingid sa kaalaman ng mga suspek, nakaplano na ang entrapment. (Ludy Bermudo)