Parak tinalo: 4 nursing student kalaboso

Humantong sa kala­boso ang apat na nursing student  kabilang ang dalawang babae mata­pos na ireklamo ng isang pulis sa kasong pagna­nakaw ng kanyang cell­phone sa isang disco bar kahapon ng madaling- araw sa Quezon City.

Kinilala ng  Quezon City Police District Sta­tion-10 ang mga suspek na itinago sa pangalang Annie, 18; Gianna; 21; Betty; 20; at Joel, 20-anyos, pawang nursing student.

Ang nasabing mga estudyante ay ipinag­harap ng reklamo ng  bik­timang si  P02 Joseph Medina na nakatalaga sa QCPD Station-10.

Naganap ang insi­dente dakong alas-4 ng madaling-araw sa De­cades Disco Bar sa Brgy. Laging Handa.

Nakatayo ang biktima sa loob ng disco house nang lapitan siya ni Annie na todo-giling na nakipag­sayaw sa kanya.

Ilang saglit pa, bigla  na lamang nawala ang suspek at natuklasan ng biktima na wala na sa bulsa niya ang kanyang Nokia 3630.

Dali-dali nitong hina­bol si Annie habang papa­takas kung saan naaresto ito kasama ang tatlong iba pa na pinaghi­hinala­ang nagsabwatan sa pag­nanakaw ng kanyang cellphone.

Sa komprontasyon sa presinto, itinanggi naman ng nasabing mga suspek ang paratang ng parak. (Joy Cantos)