Militar inalerto sa transport strike

Isasailalim sa ‘height­­ ened alert’ ang puwersa ng  Armed Forces of the Philippines-National Capital Region Command para sa  ilulunsad na transport strike ng grupong PISTON bu­kas, Lunes.

Ayon kay AFP- NCRCOM Spokesman Capt. Carlo Ferrer, pa­tuloy nilang imomonitor ang sitwasyon at kung kinakailangang  isa­ilalim ang kanilang puwersa sa red alert ay kanila itong gagawin depende sa sitwasyon.

Una nang inihayag ni NCRPO  Chief Director Geary Barias na epektibo alas-8 ng gabi ngayong Linggo ay nasa full alert ang ka­nilang puwersa sa Metro Manila bilang paghahanda sa transport strike.

Kasabay nito, ini­ha­yag ni  Ferrer na naka-standby na rin sa Camp Aguinaldo ang tropa ng AFP-NCR COM upang umayuda sa pulisya sakaling magkaroon ng kagulu­han sa nasabing pag­wewelga ng PISTON.

Sinabi ni Ferrer na nakahanda na rin ang kanilang mga military vehicles kaugnay ng “Oplan Libreng Sakay’ para sa mga mai-stranded na commuters sa mga lugar na apektado ng isasaga­wang transport strike.

Aniya, handa rin silang  i-divert o gami­tin muna ang ilang mga trucks na ginagamit sa distribusyon ng NFA rice para magkaloob ng libreng sakay sa mga maapektuhang commuters.