Mensahero patay sa riding-in-tandem

Muli na namang sumala­kay ang kilabot na riding-in-tandem kung saan hinoldap at napatay ng mga ito ang 50-anyos na mensahero na ka­nilang natiktikang nag-with­draw ng malaking ha­laga ng salapi sa isang banko sa Man­daluyong City, kahapon ng hapon.

Patay na nang idating sa Lourdes Hospital ang bikti­mang si Alfredo Maliksi,  mes­senger sa St. Dominic Industry Inc. at naninirahan sa #1039 Pat Antonio St., Sta. Mesa, Manila sanhi ng tinamong dala­wang tama ng bala ng baril sa katawan.

Batay sa report ng Manila Police District, na­ga­nap ang insidente dakong alas- 12:30  ng hapon kung saan ang bik­tima ay nag-withdraw umano ng hindi pa mabatid na halaga ng pera mula sa Metrobank-Manda­luyong branch.

Sumakay umano ang bik­tima ng jeep at ito ay   bu­maba sa panulukan ng Taft Antonio at P. Sanchez St., V. Mapa.

Habang naglalakad uma­no ang biktima ay hinintuan ng dalawang suspek ang bik­tima at tinutukan ng baril at pilit na hinihingi ang wi­nith­draw nitong pera.

Tumanggi naman ang bik­tima na ibigay ang pera sanhi upang pagbabarilin siya ng mga suspect.

Mabilis na kinuha ng mga suspect ang P65,000 winith­draw ng biktima at saka iniwan ang huli na nakahandusay.

Masusing sinisi­ya­sat ng mga awtoridad ang posibili­dad na may­roong insider sa banko na nag-tip sa mga suspect tung­kol sa perang dala ng biktima.

Patuloy naman ang gi­na­­gawang imbestigasyon ng pulisya.