Magkakaibigan nagpalamig sa ilog: 1 nalunod

Nauwi sa trahedya ang masayang paliligo  ng limang kabataan sa isang ilog nang malunod ang isa sa mga ito at matagpuan ang bangkay nito kamakalawa sa Quezon City.

Nakilala ang nasawi na si Jomar Rabeje, 20, ng Florentina St. Nitan Ave., Brgy. Gulod Novaliches, Quezon City.

Sa inisyal na ulat ng pulisya,  naganap ang insidente dakong alas-4:30 ng hapon  sa may Tullahan River sa likuran lamang ng bahay ng biktima. Nabatid na dahil sa init ng panahon, nag­­pasyang maglangoy ang  biktima kasama ang kanyang pinsan na si Raymor at mga kaibigan nilang sina Jeoffrey, Toto at Archie nang puli­katin ito. Tinangkang isalba ng apat ang biktima pero nabigo ang mga ito  dahil sa lakas na rin ng agos ng ilog.

Narekober ang bangkay ng biktima ganap na ala-1:10 ng hapon kamakalawa sa may bay­bayin ng ilog  sa bahagi ng  Goodwill Subd.-1 Brgy. San Bartolome, Novaliches, ng nabanggit na lungsod. (Angie dela Cruz)