Kritikal ang kalagayan ng isang 27-anyos na ginang makaraang ito ay barilin sa leeg ng isang holdaper sa Malate, Manila kamakalawa ng gabi.
Mabilis namang naisugod sa Philippine General Hospital ng kanyang driver na si Lad Ceazar, 30, ang biktimang si Ruth Agliones, 27, ng B 3 L l2 Marta Garden, Las Piñas City sanhi ng tama ng baril sa leeg.
Ayon sa imbestigasyon ng pulisya naganap ang pangho holdap dakong alas-9:30 ng gabi habang ang biktima ay nakaupo sa harapang upuan ng sasakyan na nakaparada sa P. Quirino Avenue cor. San Marcelino St., Malate, Manila nang biglang lapitan ng holdaper at hablutin ang kanyang cellpone na gamit. Nanlaban pa ang biktima dahilan upang paputukan ito sa leeg ng suspect na mabilis na tumakas matapos ang insidente. (Grace dela Cruz)