Tarpaulin ni Fernando ‘binaboy’

“Berdugo”

Ito ang katagang isi­nulat sa mga naglalaki­hang lara­wan ni Metropolitan Manila Develop­ment Authority (MMDA) chair­man Bayani F. Fernando nang buwel­ta­han ng mili­tanteng grupo ang spray-painting cam­paign ng una sa mga kolo­rum na pam­pa­­sahe­rong sasakyan, kasabay ng pag­sasaboy din ng pulang pin­tura sa mga larawan nito, kama­kalawa ng gabi  sa kaha­baan ng EDSA.

Maliban sa pagsasaboy ng pintura sa mga mala­laking lara­wan ng MMDA chief, gu­ma­mit din ng itim na spray-paint ang mga mi­yem­­bro ng militanteng gru­pong Kalipu­nan ng Dama­yang Mahihirap (KADAMAY).

Ayon kay John Vincent Marin, tagapagsalita ng KADAMAY, ang pagsasa­boy nila ng pintura sa mukha ni Fernando ay pa­raan ng pag­gising sa mga mararahas na hak­bang ng ahensiya laban sa mara­litang taga-lungsod.

Idinagdag pa nito na ito ang katumbas na paraan sa gi­nagawang karahasan uma­no ni Fernando at ang ma­aga niyang pamumuli­tika na ang ginagamit na­ man sa pagpapa­gawa ng kanyang malalaking tarpaulin ay  mula naman umano sa pera ng taum­bayan.

Hindi naman nagustu­han ni Fernando ang na­ging re­aksiyon ng militan­teng grupo sa kanyang mga pro­grama at proyekto, ka­sabay ng pagha­hamon ng una sa mga huli na gumawa na lamang sila ng sarili nilang tarpaulin sa halip na ‘babu­yin’ umano ang kan­yang men­sahe sa taumbayan.

Si Fernando na may ilang linggo ng nasa ibang bansa, ay nagsabing ha­yaan na lamang niya ang taumbayan ang maghusga kung wasto ang kanyang mga mensahe kaugnay sa pagtataguyod ng kaayusan at kalinisan ng kapaligiran.

Malaki umano ang pa­ni­­ni­wala ni Fernando na ma­ganda ang mensaheng na­kasaad sa malalaking tarpaulin na may malaki ni­yang larawan dahil nag­papaalala ito ng mga pro­grama at proyektong Metro Gu­wapo ng natu­rang ahensiya.