Pekeng parak huli sa kotong

Nadakip ng mga ope­ra­tiba ng Manila Police District (MPD) ang isang pekeng pulis na umano’y na­ngongotong sa mga mo­torista, kahapon ng umaga sa Sta. Cruz, Maynila.

Nakilala ang suspect na si Joselito Rosuello, alyas Joey, 45, binata, ng Villa Luisa Subd., Bagum­bong, Caloocan City. Na­ ka­­takda itong sampahan ng ka­song usurpation of authority at paglabag sa City Ordinance Section 864-C (concealing bladed weapon).

Batay sa ulat, ang in­sidente ay naganap da­kong alas-9:40 ng umaga sa kahabaan ng Laguna St., malapit sa Rizal Ave­nue Sta. Cruz, Maynila ha­bang ang suspek ay nani­nita ng mga motoristang dumaraan dito.

Napansin umano nina PO2 Jesus Balisi, PO2 Christopher Magabilin at PO2 Domingo Dumancil habang nagpa­patrulya ang mga ito na hindi tama ang unipormeng suot ng sus­pek kung kaya’t sinita ng mga ito ang huli. Nang sita­hin ay ipinakita umano ng sus­pek ang kan­yang po­lice-Caloocan ID ngunit nang papakawalan na umano ng mga nasabing pulis ang sus­pek ay napan­sin ng mga ito na may dala itong motorsiklo at nang inspek­siyunin ay may na­kita sa com­partment nito na mga matatalas na bagay tulad ng improvised screw driver at kutsilyo.

Bunsod nito’y mabilis na isinama ng mga na­sa­bing pulis ang suspek sa MPD-Station 3 at nang isa­ilalim sa interogasyon ay nadiskubreng pekeng pulis ito na umano’y inire­rekla­mo ng maraming mo­to­rista dahil sa ginagawang pa­ngo­ngo­tong. (Grace dela Cruz)