Apartelle ni Angelica Jones nasunog

Mahigit sa P1 million ang ha­ laga ng ari-arian ang naabo ma­tapos na masunog ang apartelle unit ng sexy/comedian actress na si Angelica Jones kahapon ng umaga sa Manda­luyong City.

Sa ulat ni FO3 Victorino Tablay, dakong alas-5:55 ng umaga nang magsimula ang sunog sa unit 305 at 306 High­way Hills Commercial Apartelle building na pag-aari ng actress kung saan nakatira din ang pamilya nito.

Lumalabas sa imbestigas­yon na ang sunog ay nagmula sa kusina ng room 305 kung saan nakatira ang hipag ni Jones habang ang actress naman ay nasa room 306.

Umabot sa ika-5 alarma ang nasabing sunog na tumagal ng halos 1 at kalahating oras bago ideklarang fire out ng mga bum­bero dakong 7:26 ng umaga.

Bukod sa nasabing halaga ng naabo sa sunog ay inaalam pa kung magkano ang halaga ng pera at mga alahas na na­iwan ng actress dahil sa pagka­taranta nito ay wala itong na­isal­ba sa mga mahahalagang bagay.

Sa inisyal na imbestigasyon ng Mandaluyong Bureau of Fire and Protection ay overload sa pag­gamit ng kuryente ang po­sibleng naging dahilan ng sunog dahil sa extension wire nagsi­mula ang apoy kung saan naka­saksak ang mga gamit sa kusina kabilang ang refrigerator at iba pang matataas na boltahe ng kasangkapan.

Wala namang idineklarang nasaktan o nasawi sa insidente. (Edwin Balasa)