Bisor binoga sa huling ‘tagay’

Patay ang isang ­bisor matapos barilin ng kan- yang kapitbahay habang tinutungga ng una ang kan­yang huling tagay sa harap ng kanyang mga kainuman kamakalawa ng gabi sa lungsod ng Caloocan.

Hindi na umabot ng bu­hay sa Valenzuela General Hospital sanhi ng tatlong tama ng bala ng di-nabatid na kalibre ng baril sa dibdib ang biktimang si Edgardo Rancurdo, 38, may-asawa, ng Gregorio Compound, Gen. Luis Street, Kaybiga, Barangay 166 ng nabang- git na lungsod.

Kasalukuyan namang nagtatago at tinutugis nga­yon ng mga awtoridad ang suspek na si Edgardo Ra­mirez, 40, may-asawa, walang hanap-buhay at kapit-bahay ng biktima.

Sa ulat ni SPO1 Wil- son Reyes, may hawak ng kaso, ang insidente ay naganap dakong alas-7 ng gabi sa loob ng Gregorio Com­pound.

Nakatayo ang biktima sa harap ng kanyang mga kainuman at tinutungga ang kanyang huling tagay nang biglang dumating ang suspek na armado ng baril at tatlong ulit na pinapu­tukan ang biktima.

Isinugod sa nasabing pagamutan ang biktima subalit sa daan pa lamang ay nalagutan na ito ng hini­nga at dali-dali namang tu­makas ang nabanggit na suspek.

Ayon sa ilang kainuman ng biktima, ang nasawi at ang suspek ay mortal na magkaaway umano sa ka­nilang lugar at nang maka­kuha ng magandang pagka­kataon ang suspek ay hindi na nito pinaporma pa ang biktima. (Lordeth Bonilla)