Garbage summit, isinusulong sa Maynila

Dahil na rin sa luma­lalang problema sa basura sa Metro Manila, hiniling ni Manila 2nd District Councilor Numero Lim na mag­karoon ng garbage summit na magiging gabay ng mga opisyal ng lokal na pama­halaan.

Sa panukala ni Lim, hi­ni­hiling nito na pangu­nahan ni Manila Mayor Alfredo Lim ang garbage summit na dadaluhan ng mga Metro Manila Mayors upang ma­pag-usapan ang mga prob­lema sa basura na nakaka­harap ng mga city officials.

Layunin ng summit na maibsan ang problema sa basura na makaaapekto ng lubos sa kalusugan ng publiko at maging sa kalika­san bunga na rin ng maru­ruming katas nito.

Tatalakayin din sa summit ang mga batas na dapat na ipatupad upang maiwa­san ang pagkakaroon ng tambak na basura at kung paano ituturo sa publiko ang tamang paghihiwa-hiwalay ng mga basurang nabubulok at hindi nabu­bulok.

Dito na rin imumungkahi ang paggamit ng mga makabagong teknolohiya para maayos na maitapon ka­ugnay sa paggamit ng sanitary landfill.

Ipinaliwanag ni Lim na hindi na maaaring ipagwa­lang bahala ang nasabing problema dahil ito ang pa­ngunahing pinagmumu­lan para kumalat ang sakit sa bawat barangay at komu­nidad.

Naniniwala si Lim na malaki ang maibabahagi ng mga city officials sa kani-kanilang mga nasasakupan sa sandaling simulan ang garbage summit na magtu­turo ng tamang pagtatapon ng basura.

Matatandaan na kama­kailan ay pinag-iingat ng Department of Health (DOH) ang publiko bunsod na rin ng mga tambak ng basura na maaaring pang­galingan ng iba’t ibang sakit kabilang na ang diarrhea at hika. (Doris M. Franche)