Sa Pacman vs Marquez: ‘Zero crime’

Inaasahan ng Philip­pine National Police (PNP) na ma­ uulit muli ang “zero crime rate” sa bansa sa muling pag­tu­tuos nina Manny Pac­quiao at Juan Manuel Mar­quez sa ka­nilang laban sa Mandalay Bay, Las Vegas sa Sa­bado ng gabi (Linggo ng umaga sa Maynila).

“Just like in the past fights of Manny Pacquiao, we expect again a tre­men­dous decrease in the crime volume this Sun­day, or even to the extent of anti­ci­pating a zero-crime rate during the period of the fight,” sabi ni PNP spokes­man Sr. Supt. Nicanor Bar­to­lome sa press briefing sa Camp Crame.

Ayon kay Bartolome, tulad ng mga nakaraang laban ni Pacman ay ina­asa­han nilang sabay-sabay na tututukan ito ng lahat na Filipino.

Sa kabila nito, sinabi ng PNP na hindi rin na­man mag­papabaya ang pulisya sa pagbabantay laban sa mga elemen­tong kriminal na posib­leng magsa­man­tala sa sitwasyon.  

Muling maghaharap sina Pacquiao at Mar­quez para tuldukan na ang ‘un­finished business’ matapos mag-draw sa laban nila noong 2004.

Magugunita na sa tat­long nakalipas na laban ni Pacman kabilang ang kay Erik “El Terrible” Mo­ra­les noong Nob. 18, 2006, kay Jorge Solis noong Abril 14, 2007 at kay Marco Antonio Barrera noong Oktubre 6, 2007 ay naka­pagtala ng zero crime ang pulisya sa Pilipinas.