Trillanes, et al binasahan ng kaso

Ayaw na umanong maki­pagtulungan pa ni detained Sen. Antonio Trillanes IV at tinatapos na umano nito ang kan­yang partisipasyon sa isi­na­sagawang pagdinig ng Makati Regional Trial Court sa kanilang mga kaso kaugnay sa 2003 Oakwood mutiny at No­vem­ber 29, 2007 Manila Pen stand off.

Batay sa statement ni Trillanes, wala na uma­nong karapatan pa o moral authority ang admi­nistrayon ni Pangulong Gloria Macapagal-Arroyo para husgahan siya sampu ng kanyang mga kasamahan sa Magdalo.

Kahapon ay pinaigting kapwa ng militar at ka­pulisan ang seguridad sa loob at labas ng Makati Regional hinggil sa pag­harap sa korte ng Mag­dalo soldiers ni Trillanes makaraang parehong dinggin ang kaso ng mga ito kaugnay sa Oakwood mutiny at Manila Pen siege.

Sa naganap namang arraignment kahapon sa sala ni Makati City Re­gional Trial Court (RTC) Branch 150 Judge Elmo Alameda, hindi nagpa­hayag ng plea sina Se­nator Trillanes IV, Brig. General Danilo Lim at 16 pa na kabilang sa kumub­kob sa Manila Peninsula standoff noong Novem­ber 29, 2007 sa kasong rebelyon kaya ang judge na ang nagbigay ng “not guilty plea” sa mga ito.

Bukod kay Trillanes at Lim ang mga binasahan ng sakdal ay kinabi­bila­ngan nina Marine Capt. Gary Alejano, Navy Ltsg. James Layug, Ltsg. Manuel Cabochan, Ltsg. Eugene Louie Gonzalez, Marine 2nd Lt. Jonnel Sangalang, Ltsg. Andy Torrato, Ltsg. Arturo Pas­cua, Air Force 1st Lt. Billy Pascua, Ensign Armand Pontejos, Air Force Capt. Segundino Orfiano at Corporal Cle­carte Dahan at Private First Class Juanito Jil­bury, Emmanuel Tirador at German Linde at dating Navy Petty Officers Julius Mesa at Cesar Yassir Gonzalez. (Rose Tamayo-Tesoro)