Malamig na klima nakapagpababa sa insidente ng sunog

Inaasahan ngayon ng Bureau of Fire Protection (BFP) ang walang mala­laking insidente ng sunog ang magaganap sa bansa ngayong nakararanas ng malamig na panahon sa pagpasok ng Fire Pre­vention Month ngayong Marso.

Sinabi ni BFP-National Capital Region chief, Sr. Supt. Ruben Bearis na wala pang nagaganap na malaking sunog partikular na sa Kamaynilaan mag­mula nang matupok ang Baclaran shopping mall nitong Enero 3. 

Pinasalamatan ni Bearis ang pagbaba ng insidente ng sunog sa ma­lamig na panahon ngayon dahil sa naiiwasan ang pagsabog ng mga kun­tador ng kuryente at mga sala-salabid na konek­syon.

Umaasa sila na mag­papatuloy ang naturang “trend” ngayong Marso na base sa kanilang rekord, ang pinakamaraming na­itatalang insidente ng sunog sa buong taon.  Na­nalangin rin ito na mag­papatuloy ang malamig na panahon hanggang Mayo.

Ilulunsad naman ng BFP ang programa nilang “Iwas Sunog”  sa Baseco Compound sa Tondo, May­nila ngayong araw ma­tapos na mabatid na apat na beses na itong halos mabura dahil sa napaka­raming sunog na naitala sa naturang lugar. (Danilo Garcia)