Rali sa Mendiola ubra, pero sa EDSA binara

Maaari na umanong ma­kapag-rally ang gru­pong Bagong Alyansang Maka­ bayan (Bayan).

Ito naman ang nabatid mula kay Bayan Secre­tary General Renato Reyes ma­tapos na uma­nong big­yan sila ng  per­mit  ng  Manila City Hall.

Ayon kay Reyes, nag­pa­­pasalamat sila kay Manila Mayor Alfredo Lim dahil tinotoo nito ang kan­yang pangako na papa­ya­gan silang makapag-rally sa Mendiola sa Lunes kasa­bay ng pag­gunita sa ika-22 taong anibersaryo ng People Power 1.

Sa katunayan umano ay nagulat siya nang ma­tanggap ang permit na pi­nir­mahan ni Rafaelito Ga­rayblas na secretary to Mayor.

Nabatid naman kay Garayblas na mahigpit ang kautusan ni Lim na bawal ang  pagsasagawa ng rally tuwing may pa­sok habang  pinapayagan lamang na magsagawa ng rally ang mga pro­testers kung holi­day at wa­lang pasok sa Men­diola.

“Dahil holiday naman ang February 25, pinaya­gan sila ng city govern­ment”.  

Kung okey sila sa Men­diola, inisnab naman ng ­City government ang kahilingan ng grupo na  makapagsa­gawa   ng pro­testa sa harap ng People Power Monu­ment sa Lunes.

Sinabi ni Manuel Sa­bal­sa, hepe ng Depart­ment of Public Order and Safety (DPOS) ng QC hall, hindi ma­aaring big­yan ng city government ng permit to rally ang naturang grupo dahil hindi nila pinapayagan ang anumang political gatherings sa naturang establisimiento.

Ayon kay Sabalsa, pina­yuhan na lamang niya si BAYAN secretary-general Renato Reyes na makipag- ugnayan sa Department of Social Welfare and Deve­lop­ment (DSWD) para ma­­­ki­pag-usap naman sa Eastern Police District at sa Metro Manila Development Authority (MMDA) na siyang nagbibigay permiso para dito. (Doris Franche at Angie dela Cruz)