February 10, 2008 | 12:00am
Isang obrero ang nasawi makaraang pagbabarilin ng hinihinalang kaaway nito sa Quezon City kahapon. Ang biktimang kinilalang si Vicente Dandan, ng Brgy. Commonwealth ng lungsod ay binawian ng buhay habang nilalapatan ng lunas sa Fairview General Hospital. Base sa report ng Batasan Police Station 6, dakong alas-2:30 ng hapon nang maganap ang insidente sa bisinidad ng Katuparan St., sa naturang lugar. Kasalukuyan umanong nakaangkas ang biktima sa motorsiklo ng kaibigang si Rodel Tecson nang bigla na lamang barilin sa likod ng di pa nakilalang gunman. Mabilis na tumakas matapos ang isinagawang pamamaril. Patuloy ang isinasagawang imbestigasyon ng pulisya sa motibo ng krimen. (Joy Cantos)
