Shipment  ng droga buhat Mindanao, talamak

Tinututukan ngayon ng Philippine Drug Enforce­ment Agency (PDEA) ang ulat na talamak na ship­ment  ng iligal na droga na ginagawa sa Mindanao na idinideliber sa Metro Manila at karatig na bansa.

Sinabi ni PDEA spokes­man Derrick Carreon na patuloy ang kanilang ope­rasyon ngayon katulong ang Philippine Coast Guard at Bureau of Cus­toms (BoC) upang ma­sabat ang smuggling ng droga.

Ito’y matapos silang makatanggap ng intel­ligence report  na ibini­biyahe ang mga nalilikhang droga sa Cotabato City patungo sa ilang lungsod sa Mindanao tulad ng Kidapawan, Koronadal, Tacurong at General Santos. 

Isinasakay rin ang iligal na droga sa barko na nakalagay sa shipment ng spare tires, junk foods at mga pagkaing de-lata patungo sa Metro Manila habang lulan naman ang droga partikular na ang shabu sa mga bangkang pangisda patungo sa Indonesia.

Nilinaw rin ni Carreon na kanila nang nadakip ang ilan sa mga pinangalanang drug lords sa Mindanao na nakilalang sina Kagui Lao ng Cotabato City, Mon­tawal ng Maguindanao, Maghanoy ng North Cota­bato, Marcos Fatima at Black Moro ng Sutal Ku­darat na nasawi nitong nakaraang Enero. (Danilo Garcia)