Express lanes para sa mga dengue patient, ibabalik ng  DOH

Dahil na rin sa muling pagtaas ng bilang ng mga  dengue patients sa Ka­lak­hang Maynila, nais ng De­partment of Health (DOH) na muling buksan ang  express lane para dito.

Ayon sa DOH, naka­ba­bahala ang pagtaas ng  bilang ng dengue cases partikular sa  Maynila at Ca­­loocan kung kaya’t dapat lamang na bigyan ng pra­ yoridad ang  mga pas­yen­teng ipapasok sa mga ospital.

Ipinaliwanag ng DOH na sa  San Lazaro Hos­pital pa lamang ay tatlong ulit ang naging pagtataas ng bilang ng mga pas­yente ng  may dengue.  Nakapagtala umano ng 200  kaso ng  dengue noong 2007.

Matatandaan na  ini­lunsad din ng DOH ang isang war room  laban sa  dengue, kung saan  nag­laan ng pondong  P2.5 million  para sa  Research Institute for Tropical Medi­cine  upang makabili ng  gamot upang ma-detect ang dengue virus.

Nilinaw ng DOH na hindi sila pabor sa fogging operations dahil tinataboy lamang nito ang mga lamok at hindi napapatay.

Kaila­ngan lamang na pa­nati­lihing tuyo ang  pa­ligid upang  hindi pamu­garan ng mga lamok. Pi­naka­ma­inam na solusyon  ang pagi­ging malinis. (Doris Franche)